a person holding a black book with the word sell written on it

الدرس 5 | كيف تبدأ تحقق أول دولار من بيع منتجك الرقمي؟ | 7 مراحل للبيع الشخصي خطوة بخطوة 2025🎯

تحدي اول 1$ مبيعات

Nader Jenainah

7/5/2025

white letter p on brown textile
white letter p on brown textile

🎯 الدرس 5 | كيف تبدأ تحقق أول دولار من بيع منتجك الرقمي؟

7 مراحل للبيع الشخصي خطوة بخطوة | تحدي أول 1$ مبيعات 2025

أهلاً فيك في الدرس الخامس من سلسلة تحدي أول 1$ مبيعات، واللي بنعتبره بداية التحوّل الحقيقي من شخص بيحضر وبيتعلم… لشخص فعليًا بدأ يبيع ويكسب أول دولار من منتجه الرقمي.

الدرس اليوم مهم جدًا لأنه بيشرح لك خطوة بخطوة كيف تبدأ البيع الشخصي، وهو واحد من أقوى وأسرع الطرق لتحصيل مبيعات أولية، خاصة لما تكون مبتدئ، وما عندك جمهور أو إعلانات شغالة.

وهنا بنشرح المراحل السبعة للبيع الشخصي، واللي لو طبقتها بشكل صحيح… حتتغير طريقة تفكيرك بالكامل حول "كيف بتنباع المنتجات الرقمية؟"

✅ المرحلة 1: التنقيب وقائمة الأسماء

قبل ما تفكر بالبيع، لازم تعرف "لمين بدك تبيع؟"
في هاي المرحلة، بتجهز قائمة بأسماء أشخاص محتملين مهتمين

بمجال منتجك الرقمي(أصدقاء، معارف، متابعين، زملاء… إلخ).
فكر بـ:

مين ممكن يكون عنده نفس المشكلة اللي منتجك بحلّها؟
مين مهتم بالتنظيم المالي؟ بالتصميم؟ بالتعليم؟
جهز قائمة بسيطة من 10-30 اسم كبداية، لأنك حتحتاجهم بالمراحل القادمة.

✅ المرحلة 2: الدعوة

هنا بتبدأ تتواصل مع الناس بطريقة محترمة وغير مزعجة.
مش لازم ترسل رابط المنتج على طول! بل ابدأ بـ"دعوة ذكية" ليفهموا شو عندك:

"مرحبا، عم بشتغل على منتج رقمي جديد بساعد الناس ينظموا مصروفهم…
حابب أشاركك إياه لتحكيلي رايك فيه ."
"أنا حالياً بتعلم كيف أبيع منتجات رقمية، وعندي ملف مفيد ممكن يساعدك…
عادي أستشيرك بخصوصه؟"
الفكرة هون: افتح باب الحوار بدون ضغط أو استغلال العلاقة.

✅ المرحلة 3: البرزنتيشن (عرض المنتج)

بمجرد ما الشخص يبدي اهتمامه، إجا وقت تشرح له المنتج بطريقة جذابة:

شو بيحل من مشكلة؟
لمين بنفع؟
شو شكله؟ (ارسل صورة، فيديو قصير، أو رابط) بل إرسل للعميل المستهدف
دروس الإدارة المالية لانها تعتبر ( البرزنتيشن ) وشارحه كل ما يتعلق بالمنتج
ك تطبيق عملي احكي للعميل انا حصلت عالملف هاد من قناة نادر جنينة
وحبيع المنتج ب 20$ شوف كيف نادر شرح الملف حيفيدك كشخص يدير فلوسه !
اعطيهم الرابط التالي ( https://www.youtube.com/playlist?list=PLfqwfeHqSQnsgqOfGFb3fx8ecURuXmz0I )

ليش سعره مناسب؟
هاي المرحلة حساسة جدًا، وبدها تدريب… بس تذكر، ما تحكي كثير، ركّز على القيمة.

✅ المرحلة 4: المتابعة

أغلب الناس ما بيشتروا من أول مرة!
فدورك هون إنك تتابع باحترام:

"شو رأيك بالملف اللي أرسلته؟"
"في أي استفسار قبل ما تقرر تشتريه؟"
"حابب أسمع رأيك بصراحة :)"

المتابعة هي السرّ الأول لزيادة المبيعات.

✅ المرحلة 5: الرد على الاعتراضات وإغلاق الصفقة

هون بتظهر الاعتراضات مثل:
"غالي شوي"
"مش متأكد إذا بينفعني"
"ما في وقت أستخدمه"

دورك إنك تفهم الاعتراض، وترد عليه بأمانة وهدوء، مش بطريقة هجومية.

أمثلة:

"السعر 5 دولار فقط لأنه جاهز للاستخدام وبيوفر عليك ساعات من الشغل"
"بالعكس، فيه نسخة بسيطة مصممة للناس اللي وقتهم قليل"
بعد الرد، بتطلب الإغلاق بلُطف:
"إذا شايفه مناسب، حرسل لك الرابط الآن 🙌"

✅ المرحلة 6: خدمة العملاء

أول ما الشخص يشتري، هون يبدأ الشغل الحقيقي!
تأكد إنه استلم المنتج، فهم كيف يستخدمه، واسأله بعد أيام:

"كيف لقيت الملف؟"
"في شي ممكن أساعدك فيه؟"
هاي المرحلة بتخلي المشتري يرجع يشتري منك مرّة ثانية، ويحكي عنك قدّام ناس تانية!

✅ المرحلة 7: التوسع والانتشار

لما تبدأ تبيع وتخدم عملاءك بشكل ممتاز، فيك تنتقل لمرحلة التوسّع:

اطلب من العميل يرشح المنتج لصديق.
شارك قصص النجاح على الستوري أو البروفايل.
وسّع قائمة الأسماء، وأعد نفس المراحل
النجاح بالمبيعات مش سحر، بل تكرار ذكي لعملية مدروسة.

💡 ملاحظات ختامية:

لا تستحي تبيع… المنتج اللي تعبت عليه بيستاهل يوصل للناس.

البيع الشخصي هو أسرع طريقة تحصّل فيها أول دولار، ويفتح لك باب الثقة بنفسك والسوق.

كل مرحلة بتحتاج تطبيق عملي، فلا تكتفي بقراءة الدرس، بل ابدأ حالًا.

ولا تنسا تحضر درس اليوم اللقاء كامل مفصل عاليوتيوب من خلال الفيديو التالي وجهز دفترك وسجل ملاحظاتك الدرس مهم وأساسي بحياتك المهنية لاحتراف البيع الشخصي :



🔥 أمثلة جاهزة لعرض منتج "مُخطط الميزانية الشخصية" مع الجمهور المستهدف
💡 1. ركز على المشكلة + حل مباشر (عرض المشكلة بوضوح)

"حاسس إنك بتقبض وفلوسك بتطير؟
أنا كنت هيك بالضبط… لحد ما بدأت أستخدم هالمخطط البسيط لإدارة ميزانيتي، واليوم صار عندي سيطرة على مصروفي من أول الشهر لآخره.
إذا بدك تجرب، عندي نسخة جاهزة إلك."

✅ مناسب: للجمهور العاطفي/اللي بيحكي عن همّه المالي

💼 2. عرض احترافي مباشر (للناس الجدية)

"جهزت مخطط مالي رقمي بصيغة Excel مخصص للأشخاص اللي بدهم ينظّموا دخلهم ومصروفهم الشهري، مع خاصية حساب الفائض والعجز تلقائي.
الملف بيشتغل على الجوال واللابتوب، ومناسب للموظفين، المتزوجين، وحتى المستقلين."

✅ مناسب: لموظفين أو فريلانسرز بدهم حل جاهز بدون لف ودوران

🧠 3. عرض تعليمي بسيط + تحفيزي

"بتعرف إنك لو عرفت وين بتروح مصاريك كل شهر، ممكن توفّر 20% من دخلك بسهولة؟
أنا عملت هالملف عشان أساعد الناس تبدأ أول خطوة بحياتها المالية. جربه أسبوع، وشوف الفرق."

✅ مناسب: للناس اللي بتحب الإحصائيات أو التحفيز الذاتي

📱 4. عرض كأنك بتحكي مع صديق بالواتساب

"هلا والله… عملت ملف صغير بس رهيب، بينظم المصروف والدخل بطريقة بسيطة.
إذا بدك أرسله إلك، قول بس مهتم 🙌
بيشتغل عالموبايل كمان."

✅ مناسب: لأصدقائك أو معارفك على الإنستغرام أو الواتساب

💬 5. عرض عبر محتوى Story أو Reel

🟩 مثال نص للستوري:

"قبل ما أبدأ أستخدم هالملف كنت أضيع مصروفي كله بأول 10 أيام بالشهر! 😫
بس هلا؟ أنا بقرر كيف أصرف، وإيش أأجل، وإيش أوفر.
إذا بدك نفس الملف، اكتبلي كلمة 'ميزانية' وأنا ببعتلك ياه 🔥"

✅ مناسب: للناس اللي بيتابعوك على السوشيال ميديا

🧾 6. عرض بالفيديو الشخصي

"أنا نادر، واليوم بدي أفرجيكم كيف ممكن ملف بسيط زي هذا يغيّر حياتكم المالية.
لو دخلتوا هون، بتلاقوا نسخة مجانية للتجربة.
بس إذا بدكم النسخة الكاملة مع كل الإضافات اللي شرحتها، الرابط موجود تحت الفيديو."

✅ مناسب: للطلاب اللي بدهم يصوروا نفسهم أو فيديو على تيك توك/يوتيوب

🎁 7. عرض مع عرض ترويجي أو Bonus

"عندي هدية صغيرة لأي شخص بشتري ملف الميزانية هذا الأسبوع 🎁
بشتري الملف، وببعثلك معه ملف إضافي لتتبع الديون أو أهداف التوفير.
بس احجز نسختك قبل نهاية الأسبوع."

✅ مناسب: لخلق حس الإلحاح والتشجيع على الشراء

تذكر شعارنا , يا أعذار ما نشتغل المطلوب منها ونكسل نكلم 5 اشخاص اليوم ..
أو دولار 1$ من خلال اول مبيعه ! إختار الراء التي تناسبك ..


person writing bucket list on book
person writing bucket list on book
person showing white envelope
person showing white envelope
yellow and black taxi sign
yellow and black taxi sign
a group of men standing next to each other
a group of men standing next to each other
black and brown headset near laptop computer
black and brown headset near laptop computer
black plane under blue calm sky
black plane under blue calm sky